A Federación de Ampas da Costa da Morte vennos de conceder o Premio Rosalía pola defensa do Ensino Público ... Estamos moi contentas e agradecidas, e danos moitos ánimos de seguir traballando pola inclusión dos nosos nenos e nenas, grazas, mooooooitas grazas ...
Na Costa da Morte estamos dando os primeiros pasos para a constitución da comisión NEAE, co obxectivo de colaborar na necesaria e verdadeira inclusión do alumnado con necesidades específicas de apoio educativo nos centros de ensino.Certo é que a creación deste grupo pode considerarse non urxente, pois nunca existiu tal colectivo nas nosas comarcas pero, desde o punto de vista da Federación de ANPAs da Costa da Morte e da asociación Aloumiños, si é necesario e importante.
